کونسی حکومت قانونی اور کونسی غیر قانونی ہے؟ وزیراعظم کی اپوزیشن کو تحقیقات کی پیشکش

وزیر اعظم شہباز شریف نے اپوزیشن کو پیشکش کی ہے کہ کون سی حکومت قانونی اور کون سی غیر قانونی ہے؟ آجائيں 2018 سے تحقیقات کرلیتے ہیں۔

شہباز شریف نے قومی اسمبلی میں اظہار خیال کرتے ہوئے کہا کہ آ جائیں 2018 سے تحقیقات شروع کرتے ہیں، دودھ کا دودھ اور پانی کا پانی ہو جائے گا۔

ایرانی صدر تشریف لارہے ہیں، آج اختلافی معاملات پر بات کرنے کا دن نہیں: وزیراعظم کا اپوزیشن کو مشورہ

انہوں نے قومی اسمبلی میں اپوزيشن لیڈر محمود خان اچکزئی کو جواب دیتے ہوئے کہا کہ 2018 سے شروع کرتے ہیں، پھر 2024 میں بھی آجائيں گے، موجودہ حکومت کو غیر قانونی قرار دینے والے بتائيں کیا 2018 میں بھرپور جادوگری نہیں ہوئی؟

وزیر اعظم کا کہنا تھا کہ بات نکلے گی تو پھر دور تلک جائے گی، اگر وہ قانونی حکومت ہے تو پھر یہ بھی قانونی حکومت ہے۔