کینیڈا: اسکول میں فائرنگ کے واقعے میں حملہ آور سمیت 10 افراد ہلاک
کینیڈا کے صوبے کولمبیا کے اسکول میں فائرنگ کے واقعے میں مبینہ حملہ آور سمیت 10 افراد ہلاک اور 25 زخمی ہوگئے۔
غیر ملکی میڈیا رپورٹس کے مطابق فائرنگ کا واقعہ برٹش کولمبیا میں تھمبلر ریڈج (Tumbler Ridge) کے ایک ہائی اسکول میں پیش آیا جہاں نامعلوم شخص نے فائرنگ کی جس کے نتیجے میں مبینہ حملہ آور سمیت 10 افراد ہلاک ہوگئے۔
یہ بھی پڑھیں
آسٹریا: اسکول میں فائرنگ سے طالب علم اور اساتذہ سمیت 9 افراد ہلاک
کیلیفورنیا: مسلح شخص کی اسکول میں فائرنگ ، 2 بچوں کو زخمی کر کے خودکشی کرلی
اس حوالے سے پولیس نے بتایا گیا ہے کہ اسکول سے 6 افراد کی لاشیں ملیں جبکہ واقعے میں ایک زخمی شخص اسپتال لے جاتے ہوئے راستے میں ہی دم توڑ گیا۔
پولیس کے مطابق مزید 2 افراد ایک گھر میں مردہ پائے گئے جن کے بارے میں خیال ہے کہ ان کا تعلق بھی فائرنگ کے واقعے سے ہی ہے۔
پولیس کے مطابق واقعے میں شدید زخمی ہونے والے 2 افراد کو ائیرلفٹ کے ذریعے اسپتال منتقل کیا گیا اور زخمی 25 افراد کو طبی سہولیات بھی فراہم کی گئیں جبکہ واقعے کی مزید تحقیقات بھی کی جا رہی ہے۔
