ریاض ایئر میں ملازمت کے خواہش مند افراد کے لیے بڑی خوشخبری
ریاض: سعودی عرب کی قومی فضائی کمپنی ریاض ایئر نے ایوی ایشن کے شعبے میں قومی صلاحیتوں کو فروغ دینے کے لیے ’نواۃ کیبن کریو پروگرام‘ کا آغاز کردیا ہے، جس کے باعث روزگار کے بہترین مواقع پیدا ہوں گے۔
سعودی خبر رساں ادارے کی رپورٹ کے مطابق ریاض ایئر اپنے آپریشنز کو وسعت دے رہی ہے۔ اس پروگرام کا مقصد ہزاروں سعودیوں کو راغب کرنا اور تربیت دینا ہے۔
رپورٹس کے مطابق اس پروگرام کو ایوی ایشن میں عملی تجربے اور طویل مدتی کیریئر کے مواقع فراہم کرنے کے لیے ڈیزائن کیا گیا ہے۔
فضائی کمپنی کے مطابق پروگرام کے ذریعے آنے والے برسوں میں ہزاروں سعودیوں کو روزگار کے مواقع فراہم کیے جائیں گے۔
قومی فضائی کمپنی نے مہمان نوازی اور کسٹمر سروس کے جذبے کے ساتھ 21 سال اور اس سے زائد عمر کے سعودی مردوں اور خواتین کو پروگرام میں شامل ہونے کی دعوت دی ہے۔
Load/Hide Comments
